اوستاد کیمی
قوجاغین دیلده مقدس سؤزو ایلک آندی وطن
یادا قیسغانمالی سئوگی شرف و شاندی وطن
تاریخین آل صفحه‌سینده آدی ایتگین شهیدی
جانینی قوربان ائدیب جسمینه چون جاندی وطن
دستنماز آلدی خیابانی‌ده اؤز قانی ایله
اودا اثبات ائله‌دی مؤمنه ایماندی وطن
شوشانین داش قالاسیندان دیله گلمیش قاراباغ
آغ چکن واقف اولار ناله ائدن خاندی وطن
یاشامین وار داوامیندان دانیشیرسا چیچه‌گین
آرا قیرمیز داشی وارسا بویاسی قان‌دی وطن
هله واردی صدیق اوستاد کیمی جاندان یانانی
اونا شاعر دئمه‌لی سئوگیلی جاناندی وطن
فلگین قهرینه دؤزموش یاشایان حسرت ایله
تانیشین سجده‌گهی آذربایجاندی وطن