ب) آددان فعل دوزلدن اكلر
آ- اَ (a-ə)
• آدلار و آدسويلو سؤزجوكلره ياپيشار و فعل دوزلدر. بو اك چوخ ايشلك دگيلدير:
بوش = بوشاماق
ياش = ياشاماق
قان = قاناماق
آر ar-ər
• رنگ آدلارينا و آدسويلو سؤجوكلره ياپيشار و دؤنوشلو معنالي فعللر دوزلدر:
آغ = آغارماق
بوز = بوزارماق
قيز(يل) = قيزارماق
قارا = قارارماق (قارا+آر+ماق)
• آد كؤكلرينه ياپيشار و كؤكلره گؤره‌ليك آنلامي وئرن فعل دوزلدر:
كؤز = كؤزه‌رمك
باش = باشارماق
سو = سووارماق
آل – اَل al-əl
• آدلارا ياپيشار و دؤنوشو (= رجعي) و ائديلگن (= متعدي) معنالي فعللر دوزلدر:
آز = آزاماق
دوز = دوزلمك
چوخ = چوخالماق
يؤن = يؤنلمك
• سونو أونلو ايله قورتاران كؤكه ياپيشاندا، أونلوسو دوشر:
اوجا = اوجا +آل = اوجالماق
قيسا = قيسا + آل= قيسالماق
ايك (ik /ık /ük /uk)
گئج = گئجيكمك
آج = آجيخماق
دار = داريخماق
ايل (il /ıl /ül /ul)
• آدلارا ياپيشار و دؤنوشلو و ائديلگن آنلامي فعللر دوزلدر:
دوز = دوزلمك
• سونو أونلو ايله قورتاران كؤكلره ياپيشاندا، اكين أونلوسو دوشر:
دوغرو = دوغرولماق
دورور = دورولماق
كيچيك = كيچيلمك
ايمسه (imsə /ımsə /ümsə /umsə)
آد سؤيلو سؤجوكلره ياپيشار و فعل گؤوده‌سي دوزلدر:
من = منيمسه‌مك
آز = آزيمساماق
كيچيك = كيچيمسه‌مك
دا (da /də)
آد سويلو سؤجوكلره گلر و فعل گؤوده‌سي دوزلدر. بو اك آز ايشلنن بير اكدي.
پاريل (ياريلتي) = پاريلداماق
ايشيل (ايشيلتي) = آيشيلداماق
پيريل (پيريلتي) = پيريلداماق
بو اك سس گؤسترن سؤجوكلره ياپيشار، فعل دوزلدر.
ويزيل (ويزيلتي) = ويزيلداماق
جيويل (جيويلتي) = جيويلداماق
فيسيل (فيسيلتي) = فيسيلداماق
گورول (گورولتو) = گورولداماق
خورول (خورولتو) = خورولداماق
شيققيل (شيققيلتي) = شيققيلداماق
خيشيل (خيشيلتي) = خيشيلداماق
سا sa) / (sə
• آد سويلو سؤجوكلره ياپيشار و ايستك و دوروم بيلديرن فعللر دوزلو:
سو = سوساماق
غريب = غريبسه‌مك
دوراق = دوراقسان
قير (qir /qır /qür /qur)
• سس گؤسترن سؤجوكلره ياپاشار و فعل دوزلدر:
هيچ = هيجقيرماق
قيش = قيشيرماق
پوس = پوسگورمك
آس = آسقيرماق
توف = توفگورمك ( = توپورمك)
لا (la /lə)
• چوخ ايشلنن بير اكدير. آد سويلو سؤجوكلردن فعل دوزلدر:
باش = باشلاماق
آو = آولاماق
آغ = آغلاماق
ديش = ديشلمك
ايش = ايشلمك
ياواش = ياواشلاماق
سلام = سلامالاماق
سو = سولاماق
اك = اكلمك
تامام = تاماملاماق
داش = داشلاماق
• بو اكا سس گؤسترن سؤزجوكلره‌ده ياپيشار:
پات = پاتلاماق
چات = چاتلاماق
پوف = پوفله‌مك
هاو = هاولاماق
جيز = جيزلاماق
لاش (laş /ləş)
• آدلارا و آدسويلو كؤكلره و گؤوده‌لره ياپيشار و دؤنوشلو آنلامي فعللر دوزلدر:
پيس = پيسلشمك
فارس = فارسلاشماق
اؤزگه = اؤزگه‌لشمك
باشق = باشقالاشماق
أؤز = اوزلشمك
آغير = آغيرلاشماق
اوزاق = اوزاقلاشماق
ياخين = ياخينلاشماق
گؤزل = گؤزلـله‌شمك
چاغداش = چاغداشلاشماق
لان (lan /lən)
• آدلاردان فعل دوزلدر: آدلارين هم كؤكلرينه و هم گؤوده‌لرينه ياپيشار:
باش = باشلانماق
دويغو = دويغوانماي
اوميد = اوميد لنمك
ياش = ياشلانماق
بولود = بولودلانماق
غرور = غرورلانماق
ج) فعل دن آد و آدسويلو سؤزجوكلر دوزلدن اكلر
آ (a /ə)
فعللردن آد و آد سويلو سؤجوكلر دوزلدر
دوزمك (=ديزمك) = ديزه (آبادي)
دوغماق = دوغا (طبيعت)
يارماق = يارا (بدنده ياريلاراق گؤرسنن يئر چيبان)
آجاق (acaq /əcəq)
• فعلدن آد دوزلدر:
ايچ = ايچه جك
گل = گله جك
گئي = گئيه جك
آل = آلاجاق
وئر = وئره‌جك
آغان (aqan /əqən)
• بيرلشمه اكدير كي فعلدن آد دوزلدر:
دور = دوراغان
گز = گزه‌ين
اول = اولاغان
آر (ar /ər)
• گئنيش زامان آنلامي آد و صيفت دوزلدن بير اكدير:
يازار (نويسنده)
گولر (خندرو)
چيخار (لياقت)
يئتر (قيز آدي)
آنار (اوغلان آدي)
ياشار (ياشاماق مصدريندن: ياش + ار)
آق (aq /əq)
• چوخ ايشله‌نن اكدير، آد و آدسويلو سؤزجوكلر دوزلدر:
قاچماق = قاچاق
قورماق = قوراق
اوركمك = اوركك
قورخماق = قورخان
قونماق = قوناق
قاپماق = قاپان
سغينماق = سيغينان
دورماق = دوراق
ديله مك = ديلك
ايسته‌مك = ايستك
پارلاماق = پارلاق
آل (al /əl)
• آز ايشلنن اكدير و فعلدن آد دوزلدر:
دوغماق = دوغال (طبيعي)
قورماق = قورال (مقررات)
آلا (ala /ələ)
• آز ايشلنيلن اكدير و فعلدن آد دوزلدر:
ائشمك = ائشه‌له‌مك
ايتمك = ايته‌له‌مك
قووماق = قووالاماق
سرپمك = سرپه‌له مك
آم (am /əm)
• آز ايشلنيلن اكدير:
آنلاماق = آنلام
ياشاماق = ياشام
توپلاماق = توپلام
آن (an /ən)
• فعلدن آد سويلو سؤزجوكلر تؤره‌در. چوخ ايشلك بير اكدير. بو اك ايله دؤزلن سؤزجوكلر، فاعيلي صيفت اولاراق ايشله‌نر:
ياراتماق = يارادان
بييلمك = بيلن
باخماق = باخان
گلمك = گلن
دوزمك = دوزن
اوخوماق = اوخويان
آناق (anaq /ənəq)
يئتمك = يئته‌نك (شايستگي)
گلمك = گله‌نك (سنت و آيين)
اولماق = اولاناق (امكان)
اي (i /ı /ü / u)
• چوخ ايشلك اكدير و فعلدن، آد و آدسويلو سؤزجوكلر دوزلدر:
سورماق سورور
يازماق = يازي
اؤلچمك = اؤلچو
اؤلمك = اؤلو
باتماق = باتي
اؤرتمك = اؤرتو
دوغماق = دوغو
گرمك = گزي
ايجي (ici /ıcı /ücü / ucu)
آلماق = آليجي
ازمك = ازيجي
ساتماق = ساتيجي
اوخوماق = اوخوجو
وورماق = ووروجو
سورمك = سوروجو
آخماق = آخيجي
ييخماق = ييخيجي
ايش (iş /ış /üş /uş)
دؤنمك = دؤنوش
اوچاق = اوچوش
چيخماق = چيخيش
تانيماق = تانيش
وورماق = ووروش
ديرچلمك = ديرچه‌ليش
اؤيمك = اؤيوش
ياغماق = ياغيش
آلماق، وئرمك = آليش وئريش
ساتماق = ساتيش
تيكمك = تيكيش
قورتولماق = قورتولوش
ايك (ik /ık /ük /uk)
• آدلاردان ائديلگن (مفعولي) صيفت دوزلدر :
دونماق = دونوق
ييرتماق = ييرتيق
سؤكمك = سؤكوك
پوزماق = پوزوق
آچماق = آچيق
سولماق = سولوق
چاپماق = چاپيق
بيتمك = بيتيك
ازمك = ازيك
يانماق = يانيق
دؤنمك = دؤنوك
ايم (im /ım /üm /um)
• چوخ ايشلنن اكدير:
اؤلمك = اؤلوم
دوغماق = دوغوم
دؤنمك = دؤنوم
ايچمك = ايچيم
بؤلمك = بؤلوم
آتماق = آدديم
سئچمك = سئچيم
قورتماق = قورتوم
اينج (inc /ınc /ünc /unc)
اؤده مك = اؤدونج (پرداخت)
گولمك = گولونج
سئومك = سئوينج
قورخماق = قورخونج
ايگرنمك = ايره‌نج (ايرن + اينج= ايره‌نينج)
قازانماق = قازانج (قازان + اينج= قازانينج)
چي (çi /çı /çü /çu)
اؤيرنمك = اؤيره‌نجي
ديلنمك = ديلنچي
تي (ti /tı /tü /tu)
• اين (in /ın /ün /un) و ان (an /ən) اكلري ايله دوزلن فعللره ياپيشار و آد دوزلدر:
باغلانماق = باغلانتي
چيرپينماق = چيرپينتي
آوونماق = آوونتو
گؤرونمك = گؤرونتو
ساللانماق = ساللانتي
توپلانماق = توپلانتي
ديكسنمك = ديكسينتي
قا (qa /qə)
سوپورمك = سوپورگه
بؤلمك = بؤلگه
بيلمك = بيلگه
دؤنمك = دؤنگه
قان (qan /qən)
• بو اك آليشقانليق و عادت آنلامي سؤزجوكلر دوزلدر:
ياپيش = ياپيشقان
آليش = آليشقان
دؤيوش = دؤيوشگن
• كي (ki /kı /kü /ku) و گي (gi /gı /gü /gu) ايشله‌نن اكدير:
يازماق = يازغي (سرنوشت)
سيلمك = سيلگي
سايماق = سايغي (احترام)
هؤرمك = هؤرگو
اولماق = اولغو (حادثه)
ايچمك = ايچگي
دويماق = دويغو
سورماق = سورغو
وورماق = وورغو
كين (kin /kın /kün /kun) و گين (gin /gın /gün /gun)
• چوخ ايشله‌نن اكدير و فعللردن صيفت دوزلدر:
اوزمك = اوزگون
سوزمك = سوزگون
بيلمك = بيلگين
جوشماق = جوشغون
وورماق = وورغون
سوسماق = سوسغون
قيزماق = قيزغين
سئچمك = سئچگين
داشماق = داشغين
يانماق = يانغين
ما (ma /mə)
دولماق = دولما
دوزمك = دوزمه
آسماق = آسما
توخونماق = توخونما
بؤلمك = بولمه
سورمك = سورمه
• بو اك جا/جه اكي ايله‌ده بيرله شر و آد دوزلدر:
تاپماجا، بيلمه‌جه، قوشماجا، سئچمه‌جه، دوزمه‌جه
ماج (mac /məc)
دؤيمك = دؤيمج
اوغماق = اوغماج
ماز (maz /məz)
• فعلدن صيفت دوزلدر:
قورتارماز اويون، بيتمز ايش، باغيشلانيلماز گوناه.
ماق (maq /məq)
• آنلام باخيميندان مصدر اكي ايله فرقله‌نير. فعلدن آد و آد سويلو سوزجوكلر دوزلدر:
چماخماق (وسيله آدي)
قايماق (سرشير)
يئمك (غذا)
مان (man /mən)
شيشيمك = شيشمان (چاق و فربه)
اؤيرتمك = اؤيرتمن (معلم)
اين (in /ın /ün /un)
• ايشلك اكدير و فعلدن آد دوزلدر:
اكمك = اكين
بيچمك = بيچين
ييغماق = ييغين
سورماق = سورورن (مساله)
آخماق (آخين)
سايماق = سايين (محترم)
اينتي (inti /ıntı /üntü /untu)
تؤكمك = تؤكونتو (باخ. تي (ti /tı /tü /tu) اكينه)
ساق (saq /səq)
وارماق = وارساق (چوخ گزن، عاشيق)
توتماق = توتسان (توتولان، اسير)
ايد (id /ıd /üd /ud)
اومماق = اومود
گئچمك = كئچيد
د) فعلدن فعل دوزلدن اكلر
آر (ar /ər)
• فعلين كؤك و يا گؤوده‌سينه ياپيشار ائدرگن (متعددي با گرايش فاعلي) فعل دوزلدر:
چيخمماق = چيخارماق
قوپماق = قوپارماق
آش (aş /əş)
• كؤك سونونا ياپيشار و اورتاقليق (=مشاركت) بيلديرن فعل دوزلدر:
سوماق = سواشماق
يارماق = ياراشماق
دالماق = دالاشماق
گولمك = گولشمك
تيتره‌مك = تيره‌شمك
ايره (ir /ır /ür /ur)
• يالين فعلدن ائتديرگن فعل دوزلدر:
بيتمك = بيتيرمك
ساوماق = ساوورماق
ايچمك = ايچيرمك
آشماق = آشيرماق
شيشمك = شيشيرمك
بو اكين سونونا «ت» أونسوزوده آرتيريلار: ايچيرتمك، شيشيرتمك و ....
ايش (iş /ış /üş /uş)
• فعلين سونونا ياپيشار و اورتاقليق (=مشاركت) آنلامي وئرن فعللر دوزلدر:
بؤلمك = بؤلوشمك
گؤرمك = گؤروشمك
وورماق = ووروشماق
إويمك = دؤيوشمك
يازماق = يازيشماق
چاتماق = چاتيشماق
ايكله (ikli / ıklı /üklü /uklu)
سورمك = سوروكلمه‌مك
سايماق = ساييغلاماق
ايل (il /ıl /ül /ul)
• فعلين كؤك و يا گؤوده‌سينه ياپيشار و ائديلگن (=متعددي) فعل دوزلدر:
آچماق = آچيلماق
يازماق = يازيلماق
باخماق = باخيلماق
قاتماق = قاتيلماق
دوزمك = دوزولمك
بوزمك = بوزولمك
اؤيره‌نمك = اؤيره‌نيلمك
آيماق = آييلماق
اوزمك = اوزورمك
يورماق = يورولماق
ييغماق = ييغيلماق
چكمك = چكيلمك
اين (in /ın /ün /un)
• فعلين كؤك و يا گؤوده‌لرينه ياپيشار و فعلين كؤكونه دؤنن يئني آنلامي دؤنوشلو فعل و يا ائديلگن فعل دوزلدر: (ائديلگن: بو پارلتار كئچن ايل بازاردان آليندي. دؤنوشلو: اونون ازيجي سؤزلرينه چوخ آلينديم)
آلماق = آلينماق
سئومك = سئوينمك
سورمك = سورونمك
گؤرمك = گؤرونمك
سورمك = سورونمك
گئيمك = گئيينمك
چورمك = چورونمك
اؤيمك = اؤيونمك
چالماق = چالينماق
سويماق = سويونماق
سيلمك = سيلينمك
بؤلمك = بؤلونمك
ت (at /ət)
• سون سسي أونلو ايله قورتاران فعل كؤكونه ياپيشار و ائتديريگن فعل دوزلدر:
آغلاماق = آغلاتماق
دينله‌مك = دينلتمك
بكله‌مك = بكلتمك
دير (dir /dır /dür /dur)
تيكديرمك، بيلديرمك، ساتديرماق
اوزدورمك، توتدورماق، يئدير(ت)مك، دوردورماق، يئتديرمك
• اين (in /ın /ün /un) اكي ايله دوزلن دؤنوشلو آنلامي فعللري، ائتديرگن آنلامي ائده ر:
سئوينديرمك، كئچينديرمك، گئيينديرمك
• ايش (iş /ış /üş /uş) اكي ايله دوزلن اورتاقليق آنلامي فعللري ائتديرگن آنلامي ائده‌ر:
بؤلوشدورمك، گؤروشدورمك، دؤيوشدورمك، يازيشديرماق، چاليشديرماق.
ن (an /ən)
سيناماق = سينانماق
اؤده مك = اؤده نمك
اويناماق = اوينانماق
اوخشاماق = اوخشانماق
داراماق = دارانماق